كشفت الفنانة الجميلة بوسي، رأيها بـ عمليات التجميل والتي تقوم بها أغلب الفتيات في الوقت الحالي، وأكدت رفضها للأمر كله، وأعربت عن استيائها الشديد من قيام بعض الفتيات الصغيرة بـ السن لمثل هذه العمليات وغيرها.
وأكدت الفنانة، خلال تصريحات تليفزيونية: “الجمال الرباني بقا شبه مش موجود وقليل جداً، وحالياً مبقتش عارفة إيه الطبيعي وإيه اللي مش طبيعي، وده طبعاً بقا موجود أكتر في البنات اللي لسه صغيرين أوي، والمشكلة إن البنات بيعملوا كده على إنهم بيلعبوا في وشهم أو بيعملوا بوتكس أو فيلر”.
وواصلت: “والمفروض البوتكس والفيلر بيكونوا بتاع الناس الكبيرة في السن، وبيحاولوا إنهم يظهروا أصغر شوية، ولكن للأسف بشوف دلوقتي بنات أصغر من 20 سنة بيروحوا يلعبوا في وشهم، وبجد صعبانين عليا أوي، وده لأن عمليات التجميل دلوقتي بقت زي الإدمان الناس مش عارفة تبطلوا”.
ومن جانبها، فإن الفنانة بوسي أعلنت مؤخراً انفصالها عن زوجها رجل الأعمال المعروف هشام ربيع، وأكد طليقها هشام خلال تصريحاتها مع القاهرة 24: “الإنفصال بيني وبين زوجتي بوسي تم بالفعل، وده بعد ما خلصت ليها الموضوع بتاعها زي أي راجل مصري، وأكيد أي راجل مصري مراته هتتعرض لإبتزاز مش هيسكت، وهو ده الي حصل وجبتلها حقها كامل، وأي شخص حر مش هيسمح إن حد يبتز مراته مهما حصل”.
وواصل ربيع: “وإحنا من ساعة ما إتجوزنا والدنيا بينا مش لطيفة خالص ومش حلوة، والأزمة اللي حصلت معايا كانت بسببها والناس اللي إتأذت بسببها كانوا أولادي ووالدتهم، ومفيش حد وقف جمبي غير أم أولادي، وبجد هو ده الشئ اللي زعلني منها.. هى موقفتش جنبي أبداً”.
وجديراً بالذكر، بأن هناك العديد من رواد موقع التواصل الإجتماعي تداولوا بعض الأخبار حول عودة المطربة بوسي لـ طليقها هشام ربيع، الأمر الذي علق عليه طليقها وأكد على أن هذا الأخبار شائعات ليس لها أي أساس من الصحة.
وأكد هشام ربيع، خلال تصريحاته مع القاهرة 24: “الصفحة اللي بيني وبين بوسي إتقفلت بحلوها وبمرها، وإحنا دلوقتي مش أكتر من أصدقاء، ولا فيه محاكم ولا خلافات زي ناس كتيرة ما بتقول، وبجد عيب أوي الكلام اللي بيتقال.. دي كانت في يوم من الأيام مراتي”.