أثارت الراقصة الجميلة دينا، الكثير من الجدل خلال الساعات القليلة الماضية، بعد أن كشفت عن تجربتها مع تربية ابنها الوحيد بمفردها بعد رحيل والده سامح الباجوري، وأشارت بأن الجملة الشهير “تربية واحدة ست” شئ غير مهين كما يعتقد البعض من الناس.
وأكدت الفنانة، خلال تصريحاتها ببرنامج “الستات”، والتي تقوم بتقديمة الإعلاميتين “سهير جودة، ومفيدة شيحة”، والمُذاع عبر فضائية “النهار”، موضحة: “كل بيوت مصر اللي مربينهم واحدة ست، وده على الرغم من وجود راجل في البيت.. هو بيكون في الشغل طول النهار وبيرجع بالليل.. مش بيلحق يربي حد، وطبعاً كل مصر اللي مربيها واحدة ست”.
وواصلت دينا: “وأما بقا عن حالات الطلاق، وإيه اللي بيخلي الراجل مش موجود؟.. ما ياخد ولاده كل يوم خميس وجمعة يربيهم؟، من الأخر هو مش عاوز يبقى موجود ولو عاوز يبقى مرحب، ياخد ولاده يربيهم ويشوف إيه اللي بيحصل منهم طول الأسبوع ويعدله في اليومين دول، وبجد عدم وجود الوالد أمر صعب للغاية وصعب كمان على الأم، وطول الوقت بنصح صديقاتي إنهم ميفكروش في الطلاق، وده لأن الأولاد عند سن الـ 12 سنة مش هيقدروا عليهم”.
وتابعت الفنانة: “وعلى فكرة أنا أم شديدة وحازمة جداً، وابني مش مدلع ومحتطهوش في سكة الدلع وإنه يكون مرفه، وطول والوقت بعوده إنه يعتمد على نفسه، وده لأني لحد النهاردة بعتمد على نفسي، وأنا معملتش له حاجة هو يعمل لنفسه”.
وحينما سألتها مفيدة، عن سبب رفضها أن يستمتع ابنها بـ مالها، ردت: “يعني ميكنش راجل وبني آدم؟، ويعيش طول عمره تابع لغيره؟.. لو في واحدة منا ربت على هذا الأساس يبقى في (الفكسونيا)، ابني يطلع راجل ويعتمد على نفسه أفضل له.. بيل جيتس أعطى لإبنه 100 ألف دولار بس علشان يبدأ بيهم حياته وهو عنده ملايين.. الأفضل إن الإنسان يكون حياته بنفسه”.
وحينما سؤلت الراقصة دينا، عن رغبة ابنها في أن يمتهن الفن، علقت: “ودانه موسيقية رائعة، وده علشان أنا لما برقص معاه بنفذ الخطوات في ثوان معدودة، وبرغم من كده هو مش بيحب الفن وأنا السبب في كده، وده لأنه شاف قد إيه بتعب في شغلي”.